iLLBiLLY HiTEC со нов бесплатен сингл

Деновиве германскиот даб состав iLLBiLLY HiTEC го објави новиот сингл „Keep On Rolling“. На синглот гостуваат Longfingah и Zhi MC, а истиот е бесплатен за преземање.

Од бендот најавуваат дека на први октомври издавачката куќа Vibes Promotion Records ќе го издаде синглот и на 7” vinyl.

Звукот на iLLBiLLY HiTEC претставува комбинација на dub, dubstep, breakbeat и hip-hop. Спојот на тапани, електронски звуци, семплови и талентираниот глас на Longfingah создава енергичен звук, правејки го бендот најветувачкиот dubby-electronic состав во Германија. Нивното прво EP издание „BadBoyBass“ кое содржи 6 траки снимани со Marlene Johnson, Longfingah и Emanero ја изненади европската сцена и им ги отвори вратите кон многу фестивали помеѓу Bukarest, London, Bergen и Palermo.

„Keep On Rolling“ доаѓа како прв сингл од нивниот следен албум, кој треба да излезе во јануари наредната година.

Моментално бендот е на турнеја во која спаѓаат повеќе локации од балканот, меѓу кои се најавува и Скопје. Повеќе информации околу овој настап ќе имаме наскоро.