Доделуваме 2x2 влезници за South Vibes Festival 2012

South Reggae Vibes Festival оваа година ќе го има своето второ сензационално, комплетно обновено издание кое ќе се одржи од 20ти до 22ри јули 2012 во југот на Албанија, поточно на извонредната плажа во Jal (Vlora).

Ќе настапат интернационално познати реге и ска артисти, а фестивалот игра огромна улога за запознавање и здружување на луѓето од целиот Балкан.

По првото издание на фестивалот, кое може да се смета како некој вид на тест, оваа година South Vibes се искачува на едно повисоко ниво според подготвената програма, како и локацијата и можностите.

Фестивалот ја има честа да биде домаќин на ветеранот Lampa Dread кој ќе претстави артисти како Million Stylez (Шведска), General Levy (Англија), Skarra Mucci (Јамајка), Dr. Ring Ding (Германија), Raphael (Италија) и Jaka (Италија).

Sound system-ите кои ќе земат учество се Tu Shung Peng (Италија), Bizzarri Sound (Италија), Blend Mishkin & Anna Mystics (Грција), SoulTrain Sound - Mr Rez & Roots Raid (Албанија), Mr. Skavillage (Италија-Албанија) како и DJ-и како Andrea Mi и Larssen од Италија, Roots & Sound од Србија, Undo & Redo, Minimim, Da-Lil и Alien no. 155 од Албанија, Uran Bud, Digital Budda и Dagg Xbase од Косово.

Влезниците за фестивалот во претпродажба чинат 10 евра, а на фестивалот ќе се продаваат по цена од 15 евра. Цената за камп изнесува 8 евра по ден и во неа вклучува појадок и вечера.

За сите информации како целосната програма, детали и фотографии од плажата, сцените и кампот посетете го официјалниот сајт - http://www.southvibes.al

ОСВОЈ 2 БЕСПЛАТНИ ВЛЕЗНИЦИ!

Во соработка со организаторите на фестивалот, доделуваме 2x2 гратис влезници за South Vibes Festival 2012.

По две гратис влезници ќе добијат првите двајца кои на kontakt@reggae.mk ќе испратат порака со наслов „Влезница за South Vibes Festival 2012“.

Добитниците ќе бидат контактирани околу начинот за подигање на влезниците.

Среќно! :)