По повод 51 година независна Јамајка, која го прослави Денот на независноста на 6.8.2013 година, еве еден текст за „раѓањето“ на островот. Презентиран е во реге-изданието број 7, во емисијата „Чил селектор“, на Радио „Равел“, во четврток, 20 јануари 2005 година.
Како дополнување на текстовите за историјата на регето, решив да го вметнам и овој за поделбата на регето по музички правци. Ова е моја лична класификација, „склепана“ за едно попладне. Листата не е сеопфатна и е обид да се фрли малку светлина за оние што се во реге-џунглата или сега се „навлекуваат“ на регето.
Еве го и вториот текст за историјата на регето и за најпознатите бендови и пејачи од тоа време. Кога велам „тоа време“ само да напомнам дека оттогаш поминаа повеќе од 40 години. Ама, актуелноста сè уште е тука.
Во наредниот период ќе објавиме неколку текстови за регето. Првпат, текстовите се публикувани во култниот месечник „Урбан магазин“, во броевите 9, 10 и 11, во 2002 година, а потоа и во реге-изданијата број 19, 20 и 21, во емисијата „Чил селектор“, на Радио „Равел“, во април 2005 година.
Овој текст зборува за чедото на ска-звукот, односно за „таткото“ на регето – за музичкиот правец наречен рокстеди, кој не живееше ни цела деценија. Презентиран е во реге-изданието број 29, во емисијата „Чил селектор“, на Радио „Равел“, во четврток, 23 јуни 2005 година.
Како што е ред, приказната ја почнуваме од почеток. Текстот подолу зборува за музичкиот правец од кој тргна сè. Првпат е објавен во „Студентски збор“, 2001 година, датум и број – непознати.
Ајри. Реге-заедницата на овие простори во последните години ме препознава како Гето Руди. Псевдоним што го добив кон крајот на деведесеттите години на минатиот век, пишувајќи за „Студентски збор“ и правејќи реге-емисии во Студентското радио, наречени „Гето Руди – враќање на стариот звук“.